Коргоо министрлигиндеги коррупциялык схеманын бети ачылганы калды
КР УКМК тарабынан Коргоо министрлигиндеги системалуу коррупцияны аныктоо жана ага каршы күрөшүү боюнча жүргүзүлүп жаткан иш-чаралардын алкагында, курал-жарак жеткирүүгө байланыштуу жеткирүүчү фирмалардын (ЖЧК) бири тарабынан өлкөнүн коргоо министрлиги менен түзүлгөн келишимдин шарттарын аткарбоо фактысы аныкталды.
УКМКнын басма сөз кызматынын билдирүүсүнө караганда, КРнын Финансы министрлигинин аудиттик текшерүүсүнүн натыйжасында Коргоо министрлигинин мамлекетке келтирилген зыяны 244 млн 587 миң 870 сомду (2 700 000 евро) түздү. Бул сумма козголгон кылмыш ишинин жана жүргүзүлгөн ыкчам тергөө иш-чараларынын алкагында ЖЧК тарабынан толугу менен өндүрүлдү.
Азыркы учурда УКМК Коргоо министрлигинин коррупциялык схемага тиешеси бар кызмат адамдарынын бетин ачууга багытталган бир катар ыкчам-издөө иш-чараларын жүргүзүүнү улантууда.
