Кыргызстанда виртуалдык активдер көлөмү 587 млрд сомго жетти
Кыргызстанда жылдын биринчи жарымында виртуалдык активдердин жүгүртүүсү 860 млрд сомго жеткенин Президентке караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңештин катчылыгынын жетекчиси Фархат Иминов билдирди.
Анын маалыматы боюнча, бүгүнкү күндө өлкөдө виртуалдык активдер рыногунун 200гө жакын лицензия алган катышуучусу бар.
"Акыркы үч жылда криптовалюта операторлорунун рыногу 28 эсеге өстү. Соода жана майнингдин саны өсүүдө. Эгер 2022-жылы виртуалдык активдердин көлөмү 5 млрд сомду түзгөн болсо, 2024-жылы 587 млрд сомго жетти", - деп билдирди ал.
Белгилей кетсек, бүгүн Виртуалдык активдерди жана блокчейн технологияларын өнүктүрүү боюнча улуттук кеңештин жыйынында Президент Садыр Жапаров санариптик жана финансылык сабаттуулукту жогорулатуу жана адистерди даярдоого артыкчылык берилиши керектигин баса белгиледи.
