Өкмөт: Кыргызстанда электрондук коммерция рыногу 525 млн долларга жетти

Министрлер Кабинетинин төрагасы Адылбек Касымалиев «E-commerce EXPO Central Asia 2025» форумунда электрондук коммерциянын экономикалык маанилүүлүгүн баса белгилеп, онлайн сооданын өлкөнүн инвестициялык жана экономикалык өсүшүнө чоң салым кошо турганын айтты. Бул тууралуу Өкмөттүн басма сөз кызматынан билдиришти.

Касымалиевдин айтымында, 2025-жылы электрондук коммерциянын ички рыногунун көлөмү болжол менен 525 млн долларды түзүп, өткөн жылга салыштырмалуу 15%га өстү. Ал эми 2025-жылдын биринчи жарым жылдыгында онлайн сатып алуулар 1 млнго жакын транзакцияны түзүп, суммасы 1,7 млрд сомго жетти, бул өткөн жылдын ушул мезгилине салыштырмалуу 56%га көп.

МинКаб жетекчиси электрондук коммерция паркы түзүлүп жатканын, ал ишкерлерди колдоо, санариптик инфраструктура жана логистиканы өнүктүрүү үчүн аянтча болоорун белгиледи. Онлайн сооданы жеңилдетүү максатында атайын салык режими киргизилип, катышуучулар КНСтен, киреше жана сатуу салыктарынан бошотулган.

Форумда трансчек аралык сооданы өнүктүрүүгө өзгөчө көңүл бурулуп, өлкөдө электрондук коммерцияны өнүктүрүү боюнча стратегиялык кадамдар талкууланды.