ЕАЭБ өлкөлөрү менен Кыргызстандын өз ара соода кылуусу 8 айда 3,8 млрд доллар болду
Улуттук статистикалык комитеттин билдирүүсүнө таянсак, бул жылдын 8 айында ЕАЭБ мамлекеттери менен болгон өз ара соода кылуу 3,8 млрд доллар болуп, 5,3%га төмөндөгөн. ЕАЭБге экспорттун 39,2%га азайышы бут кийим, жез, темир калдыктарын, жашылча жана ун азыктарын, текстиль, электр унааларын жана жабдыктарын, транспорт жана баалуу металлдар концентраты бар кендерди чыгаруунун азайышынан улам болгон.
Ошондой эле ЕАЭБден импорт бул мөөнөттө жашылча, мөмө жемиш, кокс жана битум, темир, ун, сүт продукциялары, жыгач, газ, май жана пластмассаалып кирүүнүң эсебинен 11,8%га жогорулаган.
Улуттук статкомдун маалыматы боюнча, 8 айда керектөө баалары жана тарифтер 7,1%га өсүп, азык-түлүккө болгон баанын жогорку өсүшү Чүй облусунда, азык-түлүктүк эмес товарлардын кымбатташы – Баткен облусунда, кызмат көрсөтүүлөрдүн баасынын жогорулашы – Бишкекте катталган.
Орточо эмгек акы 42 757 сомду түзүп 19,5%га көбөйгөн. Эмгек акынын жогорулашы курулушта, илим менен техникада, мамлекеттик башкарууда, саламаттык сактоодо, энергетикада, транспортто, финансы секторунда жана пайдалуу кендерди казууда болгон.
