Экономика

Шардари суу сактагычына келүүчү болжолдуу суу көлөмү макулдашылды

Ишкер Media

15 ноя 2025 14:37

Ашхабад шаарында Мамлекеттер аралык координациялык суучарбалык комиссиянын 91-отуруму өткөнүн Казакстандын Суу ресурстары жана ирригация министрлиги жазды.

Отурумга Түркмөнстандын суу чарба мамлекеттик комитетинин төрагасы Дурды Генджиев, Казакстандын суу ресурстары жана ирригация министри Нуржан Нуржигитов, Өзбекстан суу чарба министри Шавкат Хамраев, Тажикстандын энергетика жана суу ресурстары министринин биринчи орун басары Жамшед Шоди Шоимзода катышты. Байкоочу катары Кыргызстандын Түркмөнстандагы элчисинин кеңешчиси Эмиль Шадыханов сөз сүйлөгөн.

Отурум алкагында тараптар 2025-жылдагы сугат мезгилинин жыйынтыгын карашты. Ошондой эле жыйында Нарын-Сырдарыя каскадындагы суу сактагычтардын 2025-2026-жылдардагы сугат мезгилдеринин ортосундагы болжолдуу иш графиги бекитилгени маалым болду. Бул график боюнча Шардари суу сактагычына болжолдуу суу агымы макулдашылды.

Мындан сырткары, тараптар мамлекет башчыларынын – Аралды сактоо эл аралык фондунун түзүүчүлөрүнүн саммитинде коюлган тапшырмаларды ишке ашыруу боюнча жүргүзүлгөн иштер боюнча маалымат беришкен. МАКСКнын 92-отуруму келерки жылы Тажикстанда болот.

“Өткөн сугат мезгили оңой эмес климаттык шартта өттү. Бирок, бардык мамлекеттердин өз ара кызматташуулары сугат мезгилин туруктуу өтүшүн камсыз кылды. Биз жана биздин Борбор Азиядагы өнөктөштөр трансчекаралык суу ресурстарын бардык тараптардын кызыкчылыгын эске алуу менен калыс бөлүштүрүүгө багыт алды”,-деп билдирди Казакстан суу ресурстары жана ирригация министри Нуржан Нуржигитов.

Мындан тышкары окуңуз

Баткенде үч өлкөнүн жаштарынын катышуусунда эл аралык форум өтүүдө

Баткен облусунда "Жаштардын достук көпүрөсү: тынчтык, ынтымак жана кызматташтык" аталышындагы эл аралык жаштар форуму өтүүдө. Бул тууралуу президенттин Баткен облусундагы өкүлчүлүгүнөн билдиришти. Маалымдалгандай, иш-чара жаш кол өнөрчүлөрдүн жана өндүрүүчүлөрдүн көргөзмө-жарманкеси менен башталды. Форумдун расмий бөлүгү Апаз Жайнаков атындагы Баткен облустук музыкалык драма театрында өттү. Ага Кыргызстандын,

Баатыр энелердин пенсиясы көбөйүшү мүмкүн

1-январдан тартып айрым жарандардын категорияларына карап пенсиясын жана кошумча төлөмдөрүн жогорулатуу сунушталууда. Бул долбоор коомдук талкууга чыгарылды. Долбоордо мөөнөттүү аскер кызматын өтөгөн айрым аскер кызматкерлеринин майыптыгы боюнча пенсиясынын минималдуу өлчөмүн 12 300 сомго жеткирүү да каралган. "Ошондой эле Чернобыль АЭСиндеги жана башка атомдук объектилердеги авариялардын кесепеттерин жоюуга катышкандардын

Баткенде чек арага чектеш 27 айылда суу долбоору ишке ашууда

Баткен облусунда чек арага чектеш 27 айылда суу менен камсыздоо иштери жүрүүдө. Бул тууралуу президенттин аймактагы өкүлү кабарлады. Маалыматка караганда, облус жетекчисинин орун басары Абдирашит Ташбалтаев "Мерсико" жана PATRIP уюмдарынын өкүлдөрү менен жолугушуп, сугат жана ичүүчү суу системаларын өнүктүрүү маселелерин талкуулады. Долбоор Германия Өкмөтүнүн PATRIP фонду аркылуу каржыланган

Сыймык Жапыкеев президенттик шайлоого катышууга арыз берди

Сыймык Жапыкеев президенттикке талапкерлигин көрсөтүү жөнүндө арыз менен Борбордук шайлоо комиссиясына кайрылды. Борбордук шайлоо комиссиясынан кабарлашкандай, Жапыекеев бүгү 28-октябрда президенттикке өзүн-өзү көрсөтүү тартибинде талапкерлигин көрсөтүү жөнүндө арыз менен кайрылган. Кыргыз Республикасынын президентин шайлоодо талапкерлерди көрсөтүү жөнүндө арыздарды кабыл алуу 2026-жылдын 12-ноябрында саат 24:00дө аяктайт. Борбордук