Кыргызстанда 34 соода-логистикалык борбор иштеп жатат
Экономика жана коммерция министри Бакыт Сыдыков Борбор Азия аймактык экономикалык кызматташтыгынын бизнес-форумунда Кыргызстан боюнча 34 соода-логистикалык борбору иштеп жатканын билдирди.
Анын айтымында, өнүкпөгөн кампалык инфраструктурасыз транспорттук демилгелерди ишке ашыруу мүмкүн эмес.
“Чүй облусунда көп функционалдуу логистикалык борбор курулуп жатат. 25 гектар аянтка жайгашчу объектинин кампалык имараттарынын жалпы аянты 136 миң чарчы метр. Долбоор мамлекеттик-жеке өнөктөштүк форматында ишке ашып жатат жана анда 100 миң жумушуч оруну түзүлөт”,-дейт Сыдыков.
Буга улай ал электрондук сооданы өнүктүрүү үчүн Кыргызстан бондолук кампаларды ачуунун үстүндө иштеп жатат. Улуттук почталык оператор бондолук кампанын функциясын алып, ушундай долбоорлорго катышууну план кылган.
Министр мамлекет транспорттук инфраструктураны жакшыртып, эл аралык коридорлорго катышуу менен landlocked countryден landlinked countryге өтүү стратегиясын ишке ашырып жатканын айтат.
“Логистикалык жана транспорттук долбоорлорду каржылоодо негизги роль Азия өнүктүрүү банкына тиешелүү”,- дейт ал.
