Асыл тукум мал чарбасын өнүктүрүү үчүн фермерлерге 291,06 млн сом насыя берилди
Азыктуулугу жогору асыл тукум малды сатып алуу жана мал чарбасын өнүктүрүү максатында Кыргыз Республикасынын Министрлер Кабинети 2025-жылдын 5-мартындагы №139-т токтому менен "Кыргыз Республикасында асыл тукум мал чарбасын өнүктүрүү" долбоорун бекиткен.
Финансы министрлигинин маалыматына ылайык, долбоорду ишке ашырууга "Айыл Банк" жана "Элдик Банк" ачык акционердик коомдору катышууда. Банк аркылуу берилген кредиттин жалпы суммасы 1 849,56 млн. сомду түзөт.
30-октябрга карата долбоордун алкагында республика боюнча 86 каржылоо субъектине жалпы суммасы 291,06 млн. сом жеңилдетилген кредит берилди. Кредит мал чарбасын өнүктүрүүгө багытталган жана фермерлерге азыктуулугу жогору асыл тукум малды сатып алуу үчүн шарт түзөт.
