Кыргызстандын Соода-өнөр жай палатасынын Индиядагы жаңы өкүлү дайындалды

Бектурган Калыбек уулу Кыргызстандын Соода-өнөр жай палатасынын Индиядагы расмий өкүлү болуп дайындалды.

Ведомстводон билдиришкендей, тийиштүү күбөлүктү палатанын президенти Темир Сариев тапшырды.

Бектурган Калыбек уулу көп жылдан бери Кыргызстан менен Индиянын ортосундагы бизнес байланышты өнүктүрүүгө салым кошуп келет. Ал бир катар инвесторлорду тартууда, бизнес-форумдарды жана эки өлкө ишкерлеринин жолугушууларын уюштурууда активдүү иш алып барган.

Жаңы дайындоо Кыргызстан менен Индиянын соода-экономикалык кызматташтыгын дагы да бекемдөөгө өбөлгө түзөт, - деп айтылат маалыматта.