Кыргызстанда аквамаданиятты өнүктүрүү борбору түзүлөт
Балык өнөр жайы комплекси департаменти Корея деңиз институтунун (KMI) жетекчилиги менен Кыргызстандын “Балык чарбасын жана аквамаданиятын өнүктүрүү боюнча улуттук борборун” түзүү долбоорун ишке ашыруу боюнча жыйын өткөрдү. Суу ресурстары, айыл чарба жана кайра иштетүү өнөр жайы министрлигинен билдиришкендей, жыйын видео конференц байланыш форматында өттү.
Улуттук борбор министрликтин Регионалдык акклиматташтыруу жана балык өндүрүү-өстүрүү бөлүмүнүн базасында түзүлүп жатат.
Балык чарбасын жана аквамаданиятты өнүктүрүү улуттук борбору балык түрлөрүн өндүрүү жана уулоо боюнча иштерди жүргүзүүнү, кадрлардын квалификациясын жогорулатуу программаларын ишке ашырууну пландап жатат.
Мындан тышкары, борбор студенттер, илимий кызматкерлер, балык чарба адистери үчүн илимий аянтча катары пайдаланылат.
Тараптар курулуп жаткан борбордун республикадагы балык чарба тармагы үчүн маанилүүлүгүн баса белгилешти. Учурда долбоорду ишке ашыруу акыркы этапта турат.Аталган борбордун расмий ачылышы 2026-жылдын экинчи кварталына белгиленди.
