Өлкөдө күрөө коюлган кыймылсыз мүлк рыногу 175 млрд сомдон ашты
2025-жылдын III кварталында Кыргызстанда күрөө коюлган кыймылсыз мүлк рыногундагы активдүүлүк уланып, жалпы 21 миң 261 күрөө келишими катталып, алардын суммасы 175,1 млрд сомду түзгөнүн economist.kg сайты Жер ресурстары мамлекеттик агенттигинин маалыматына шилтеме кылуу менен жазды. Анын ичинен 12 миңден ашык келишим (35,6 млрд сом) нотариалдык күбөлөндүрүүсүз ишке ашкан.
Күрөө операцияларынын саны боюнча Бишкек менен Чүй облусу лидер болуп саналат. Баш калаада 5026 келишим 101 млрд сомго катталса, Чүй облусунда 3292 келишим 25,4 млрд сомго жеткен.
Кыймылсыз мүлктүн түрлөрү боюнча эң жигердүү күрөө салуулар турак жай секторунда байкалган:
- Жеке турак үйлөр: 11 763 келишим – 36,7 млрд сом;
- Квартиралар: 8 215 келишим – 15,5 млрд сом;
- Турак-жай курулушуна арналган жер тилкелери: 4 509 келишим – 61,4 млрд сом.
Коммерциялык кыймылсыз мүлк да активдүү болду:
976 келишим катталып, жалпы суммасы 32,5 млрд сомду түздү. Бул санга соода жана офис объекттери, ошондой эле коммерциялык курулуш үчүн жер тилкелери кирет.
Өндүрүш объекттери жана өндүрүшкө арналган жерлер:
1 202 келишим – 2,6 млрд сом.
Айыл чарба багытындагы объекттер:
402 келишим – 5,78 млрд сом.
Административдик жана социалдык объекттер:
1 237 келишим – 2,3 млрд сом.
Маданий объекттер:
35 келишим – 0,85 млрд сом.
Региондор боюнча көрсөткүчтөр төмөнкүдөй:
- Ош облусу: 2 781 келишим – 8,7 млрд сом;
- Жалал-Абад облусу: 3 230 келишим – 9,1 млрд сом;
- Ысык-Көл облусу: 2 228 келишим – 5,6 млрд сом;
- Талас облусу: 1 104 келишим – 2 млрд сом;
- Нарын облусу: 1 142 келишим – 2,1 млрд сом;
- Баткен облусу: 1 078 келишим – 2,3 млрд сом.
