Сүлүктү шаарында 64 чек арачыга батир берилди
Сүлүктү шаарында 64 чек арачыга батирлердин ачкычтарын тапшыруу аземи болуп өттү. Ачкычтарды министрлер кабинетинин төрага орун басары, УКМКнын жетекчиси Камчыбек Ташиев тапшырды.
Чек арачылар үчүн курулган турак-жай комплекси бир нече 4 кабаттуу үйлөрдөн турат.
УКМКнын төрагасы мамлекет акыркы жылдары коңшу мамлекеттер менен чек араны делимитациялоо жана демаркациялоо иштерин аяктаганын эске салды. Ал чек арачыларга кызмат өтөгөнү үчүн жана чек ара көйгөйлөрү чечиле электе кызмат учурунда курман болгон аскерлердин жакындарына ыраазычылык билдирди.
Ташиевдин айтымында, комплекстеги 3 батир дарыгерлерге берилет.
