Кыргыз‑француз инвестициялык кызматташтык маселелери талкууланды
Жакында кыргыз жана француз тарабындагы өкүлдөрдүн жолугушуусу болуп, анда Франциянын Кыргызстандагы артыкчылыктуу долбоорлоруна, анын ичинде бизнес жана каржылык катышуу мүмкүнчүлүктөрүнө талкуу жүргүзүлдү. Бул тууралуу Финансы министрлигинен билдиришти.
Жолугушуунун максаты — эки өлкөнүн ортосундагы кызматташууну мындан ары өнүктүрүү жана инфраструктураны өнүктүрүү багытында мүмкүнчүлүктөрдү талкуулоо болду. Франциялык тарап долбоорлорду ишке ашырууга катышууга даяр компанияларды тааныштырып, Франциянын каржылык катышуусун кеңейтүүнүн жолдору жөнүндө маалымат берди.
Кыргыз тараптан Н.Акжолов бул маселелер боюнча ири долбоорлорду француз тараптын катышуусу менен каржылоо варианттарын караштырууга даяр экенин билдирди жана эки тараптуу демилгелерди ишке ашырууда француз тараптын ролун тактоонун маанилүүлүгүн белгиледи.
Жолугушуунун жыйынтыгы боюнча тараптар пикыр алмашууну улантууга жана келечекте өз ара түшүнүшүү Меморандумун түзүү мүмкүнчүлүгүн караштырууга даяр экендиктерин билдиришти.
