В.Путин экономикалык кырдаал туруктуу экенин түз эфирде билдирди
2025-жылдагы Россия президенти В.Путин менен түз байланыш 4 саат 27 мүнөткө созулуп, ал ЖМК тарабынан берилген 76 суроого жооп берүүгө жетишти.
Анын жүрүшүндө, адаттагыдай эле баалардын деңгээли, салык системасындагы өзгөрүүлөр, чакан жана орто бизнести колдоо, жалпы экономика, “Владимир Путин менен жылдын жыйынтыгы” аттуу түз байланыштын негизги темасынын бири болду.
Биринчи каналдын маалыматына ылайык, сатып алуу жөндөмдүүлүгүнүн паритети боюнча Россия дүйнө жүзү боюнча АКШ, Кытай жана Индиядан кийинки төртүнчү орунда турат. Өз убагында кабыл алынган чечимдердин аркасында РФте экономикалык кырдаал туруктуу, деп баса белгиледи президент Путин.
“Эң негизгиси, биз бюджетти тең салмактуу сактап калууга жетиштик. Бул жерден биз өкмөттүн кеңири иш алып баргандыгы үчүн ыраазычылык билдиришибиз керек. Анын үстүндө, бул баланстын сапаты 2021-жылдын деңгээлинде сакталып калды. Бул өлкөнүн экономикасынын жана каржы системасынын туруктуулугунун абдан маанилүү көрсөткүчү. Бул биздин калк алдындагы социалдык милдеттенмелерди аткарууга байланыштуу маселелерди толугу менен чече алаарыбыздан кабар берет. Ошондой эле бул улуттук долбоорлорду өнүктүрүү маселелерин чечерибизди, технологиялык өнүгүү максаттарына жетээрибизди анан, албетте, Куралдуу күчтөрдүн муктаждыктарын канааттандыра алабыз дегенди билдирет. Мунун баары, өкмөттүн жана Борбордук банктын толугу менен көзөмөлүндөгү экономиканын жана каржы системасынын туруктуулугунан кабар берет"- деп белгиледи РФ мамлекет башчысы.
