Инвестициялардын көлөмү 2024-жылга салыштырмалуу 2025-жылы 12,4% өстү
Кыргыз Республикасынын Президентине караштуу Инвестициялар боюнча улуттук агенттиктин өкүлдөрү 2025-жылдын жыйынтыгы боюнча бүгүн маалымат жыйынын уюштурушту.
Анын жүрүшүндө, Инвестициялар боюнча улуттук агенттиктин башчысы Равшанбек Сабиров эл аралык багыттагы ченемдик базаны түзүү боюнча активдүү иш жүрүп жаткандыгын, тактап айтканда чет мамлекеттер менен инвестицияны колдоо жана өз ара коргоо борюнча 12 келишим иштеп жаткандыгын билдирди.
“КРнын Улуттук статистика комитетинин маалыматы боюнча 2025-жылдын жарым жылдыгында түз чет элдик инвестициялардын агымы 562 млн АКШ долларын түздү. Ал эми 2024-жылдын ушул эле мезгилинде бул көрсөткүч 462 млн АКШ долларын түзгөн. Демек, инвестициялардын көлөмү 2024-жылдын 1 жарым жылдыгына салыштырмалуу 21,7% көбөйдү” – деп билдирди, Р.Сабиров.
Анын айтымында, Кыргызстандын негизги инвесторлору болуп Кытай, Россия, Туркия ж.б өнөктөш мамлекеттер саналат. Инвестициянын агымынын негизги багыттарын: кайра иштетүү өнөр жайы; кен байлыктарын казып алуу ж.б түзөт.
2025-жылдын сентябрь айына карата, Улуттук агенттикти жалпысынан 5,9 млрд АКШ доллардан ашуун инвестициянын көлөмүн 15тен ашуун инвестициялык долбоорлор коштоп жүрөт. Инвестициялардын көлөмү 2024-жылга салыштырмалуу 2025-жылы болжол менен 12,4% өскөн.
