Кыргызстандык эмгек мигранттарына 11 айда 34,3 млн сом өндүрүлүп берилген
Россиядагы Кыргызстандын Эмгек, социалдык камсыздоо жана миграция министрлигинин өкүлчүлүгү 2025-жылдын 11 айында Кыргызстандын 376 жаранына жалпы 34,3 миллион рублди эмгек акысын өндүрүп алууга көмөк көрсөткөн.
Мындан тышкары, мекеменин басма сөз кызматы билдиргендей, 10 жаран иш берүүчүлөрдөн өндүрүштүк жаракатка байланыштуу ден соолугуна келтирилген зыян үчүн 15,9 миллион рубль өлчөмүндө компенсация өндүрүп алууга жетишкен.
Өкүлчүлүк ишин баштаган учурдан тартып, тактап айтканда, 2022-жылдын ноябрынан 2025-жылдын ноябрына чейин, жалпы 1523 кыргызстандык эмгек мигрантына жардам көрсөтүлгөн. Аларга төлөнбөй калган эмгек акыларын жана ден соолукка келтирилген зыян үчүн компенсацияларды өндүрүп алууга жардам берилип, жалпы суммасы 134 миллион рублден ашык акча өндүрүлгөн.
