Экономика

Кара металл калдыктарын экспорттоого тыюу салуу узарабы?

Ишкер Media

10 янв. 2026 17:22

Экономика жана коммерция министрлиги кара металлдардын сыныктарын жана калдыктарын Кыргызстандан чыгарууга убактылуу коюлган тыюуну узартууну сунуштоодо. Тиешелүү документтин долбоору коомдук талкууга чыгарылды.

Министрлер кабинетинин кара металлдарды ошондой эле кайра эритүү үчүн арналган куймаларды (шихталык куймалар) өлкөдөн чыгарууга убактылуу тыюу салуу жөнүндө сунушталган токтом долбооруна ылайык, тыюу мөөнөтү дагы алты айга узартылат. Тыюу ЕАЭБ дин Тышкы экономикалык ишмердүүлүктүн товардык номенклатурасынын (ТЭИТН) 7204 коду боюнча классификацияланган товарларга жайылтылат.

Республиканын аймагында жылына болжол менен 490 миң тонна кайра иштетүү мүмкүнчүлүгүнө ээ болгон беш ири кайра иштетүүчү компания иш алып барууда. Металлургиялык ишканаларды колдоо максатында министрлер кабинети буга чейин түстүү жана кара металлдардын сыныктары менен калдыктарына экспорттук бажы төлөмдөрүн киргизген. Бирок, негиздеме-маалымкатта белгиленгендей, бул чаралар экспорттун көлөмүн азайтуу үчүн жетиштүү деңгээлде натыйжалуу болгон эмес.

Тыюуну кайрадан киргизүү ички рынокто сапаттуу экинчи чийки металлга болгон жогорку суроо-талапты канааттандырууга мүмкүндүк берет дешет долбоорду иштеп чыгуучулар.

Мындан тышкары окуңуз

Девид Гилмор колдонгон “Black Stratocaster” гитарасы 14,6 млн долларга сатылды

Дэвид Гилмор 1970–1983-жылдары Pink Floyd тобунун бардык альбомдорун жаздырууда колдонгон электрогитара 14,6 млн долларга рекорддук суммага сатылганын BBC агенттиги Christie's аукцион үйүнө шилтеме берип билдирди. "Black Stratocaster" (Кара Stratocaster) деп белгилүү болгон гитара дүйнөдө аукцион аркылуу сатылган эң кымбат гитара болуп калды. Аны ким

Министр Э.Ахунбеков суткасына 2800 литр сүт өндүргөн фермага барды

Бүгүн Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Эрлист Акунбеков Чүй облусунун Сокулук районунда жайгашкан “Дана Агро” асыл тукум мал чарбасынын ишмердүүлүгү менен таанышты. Иш сапардын алкагында министр чарбанын өндүрүш процесси, малдын асыл тукум курамы жана сүт өндүрүү көрсөткүчтөрү менен жеринен таанышты.

Чүйдө швед технологиясы менен иштеген сүт ферма ишке кирет

Суу ресурстары, айыл чарба жана кайра иштетүү өнөр жайы министри Эрлист Акунбеков Чүй облусунда жайгашкан "Таштан" асыл тукум мал чарбасынын ишмердүүлүгү менен таанышып, ферманын жаңы технологиялары жана өндүрүштүк мүмкүнчүлүктөрү тууралуу маалымат алды. Маалым болгондой, жеке ишкер Вахабжан Юсуповго таандык "Таштан" дыйкан-фермерлик чарбасы 2018-жылы негизделген. Бүгүнкү күндө

Президенти Садыр Жапаров кыргызстандыктарды Аталар күнү менен куттуктады

Бүгүн Кыргызстанда Аталар күнү белгиленип жатат. Бул майрамдык дата КРнын Жогорку Кеңеши тарабынан 2024-жылдын 26-июнунда кабыл алынган. Ага ылайык, мыйзам боюнча жыл сайын Аталар күнү 15-мартта жана Энелер күнү май айынын үчүнчү жекшембиси белгиленүүдө. Аталардын урматына бүгүн өлкө башчы Садыр Жапаров куттуктоо сөздөрүн жарыялады. Өз сөзүндө президент илгертеден бери кыргыз