Малды жасалма уруктандыруунун артыкчылыктары кандай?
Малды жасалма уруктандыруу көптөгөн артыкчылыктарга ээ болуп, учурда заманбап мал чарбачылыгында кеңири колдонулуп жатканы жана анын негизги артыкчылыктары тууралуу Суу, айыл чарба министрлиги маалымат таратты.
Эң мыкты асыл тукум букалардын уругун колдонуу малдын генетикалык сапаттарын жакшыртууга мүмкүндүк берет.
Туура тандалган урук сүт берүү, эт өндүрүмдүүлүк жана тукум берүү көрсөткүчтөрүн жогорулатат.
Жугуштуу оорулардын жайылышын алдын алат.
Урук ветеринардык көзөмөлдөн өткөндүктөн, коопсуз болуп эсептелет.
Буканын өзүн багуу зарылдыгы жок болгондуктан тоютка, жайга жана тейлөөгө кеткен чыгымдар кыскарат.
Уруктандыруу убактысы так аныкталат, тукум алуу процесси толук көзөмөлдө болот. Бир буканын уругу миңдеген ургаачы малды уруктандырууга жетиштүү. Бул асыл тукум иштерин кеңири масштабда жүргүзүүгө шарт түзөт. Урук атайын шарттарда тоңдурулуп, узак убакыт сапатын жоготпой сакталат жана каалаган жерге жеткирилет.
Уруктун келип чыгышы жана сапаты тууралуу маалыматтардын негизинде тукумду жакшыртуу илимий негизде жүргүзүлөт.
