Кыргызстанда эт сатуучу мобилдик дүкөндөр ачылат
"Кыргыз Агрохолдинг" ААКы мобилдик эт сатуу пункттары долбоорунун бет ачарын өткөргөнүн Суу ресурстары, айыл чарба жана кайра иштетүү өнөр жайы министрлигинен билдиришти.
Анда калкты сапаттуу эт азыктары менен социалдык баада камсыз кылууга багытталган пилоттук долбоор сунушталды. Анын алкагында заманбап мобилдик соода пункттарын (фудтрактарды) ишке киргизүү пландалып жатат.
"Бул демилге азык-түлүк жеткиликтүүлүгүн жогорулатууга, өндүрүүчүдөн керектөөчүгө түз жеткирүү механизмин түзүүгө шарт түзөт", - деп айтылат маалыматта.
Белгиленгендей, долбоордун ишке ашырылышы шаардын тургундарынын жана алыскы аймак жашоочуларынын эт азыктарына болгон жеткиликтүүлүгүн кеңейтип, ички рыноктун туруктуулугуна салым кошот.
