Күмүш баасы тарыхый рекордду жаңылады
Кечээ, 20-январда Нью-Йорк товардык биржасында күмүштүн баасы рекорддук деңгээлге көтөрүлдү.
Comex бөлүмүнүн маалыматына караганда, саат 12:10го Москва убактысы боюнча трой унциясынын баасы биринчи жолу 95,2 долларга жетип, соода сессиясынын жабылыш баасына салыштырмалуу 7,5%га өстү.
Сооданын жүрүшүндө баа эң жогорку чек катары 95,4 долларга чейин көтөрүлгөн.
Эксперттер мындай өсүштү дүйнөлүк геосаясий чыңалуу менен байланыштырууда. Алардын айтымында, азыр инвесторлор күмүштү коопсуз актив катары активдүү сатып алышууда.
