Кытайлык пион өстүрүү борбору Кыргызстанда пион өстүрүүгө кызыкдар

Суу ресурстары, айыл чарба жана кайра иштетүү өнөр жайы министрлигинде министрдин орун басары Бектен Бекболотовдун катышуусунда Кытай Эл Республикасынан келген Heze Peony Development Service Center уюмунун өкүлдөрү менен жолугушуу болуп өттү.

Маалыматка ылайык, Heze Peony Development Service Center — Хэцзэ шаарындагы пион тармагын өнүктүрүүгө адистешкен борбор болуп саналат. Бул шаар дүйнө жүзүндө пиондорду өстүрүү жана кайра иштетүү боюнча эң ири борбор катары кеңири таанылган.

Аталган борбор агроөнөр жай комплексин өнүктүрүүгө багытталган инфраструктуранын бир бөлүгү болуп эсептелет жана пион тармагын кеңейтүү, анын экономикалык жана маданий маанисин жогорулатуу багытында системалуу иш алып барат.

Жолугушуунун жүрүшүндө тараптар Кыргызстанда гүл өстүрүү маданияты, айрыкча пиондорду өстүрүү мүмкүнчүлүктөрү, климаттык шарттардын шайкештиги, ошондой эле мамлекеттер ортосунда "Бир алкак — бир жол" демилгесинин алкагында тармактык кызматташууну өнүктүрүү келечеги тууралуу кеңири талкуу жүргүзүштү.