Экономика

Кыргызстан ЮНИДО менен биргеликте экспортко багытталган өнөр жайды өнүктүрөт

Ишкер Media

29 янв 2026 11:13

Экономика жана коммерция министрлиги ЮНИДО менен биргеликте Кыргыз Республикасы үчүн 2025-2029-жылдарга карата ЮНИДОнун Өлкө өнөктөштүк алкактык программасын (ӨӨП) ишке ашыруу боюнча Улуттук координациялык органдын биринчи жыйынын өткөрдү. Бул тууралуу Экономика министрлигинен билдиришти.

Жыйын Суу ресурстары, айыл чарба жана кайра иштетүү өнөр жайы министри Бакыт Төрөбаевдин жана Экономика жана коммерция министри Бакты Сыдыковдун төрагалыгы астында өттү. Иш-чарага мамлекеттик органдардын өкүлдөрү, эл аралык өнөктөштөр жана ЮНИДОнун эксперттери катышты.

Жыйын 2025-жылдын июль айында кол коюлган Программаны иш жүзүндө ишке ашыруу этабына өтүүнү белгилеп, Кыргызстан менен ЮНИДОнун кызматташтыгын координациялоонун туруктуу механизмин түзүүдөгү маанилүү кадам болду. Анын алкагында Улуттук координациялык орган жөнүндө жобо бекитилип, мандаты жана иштөө тартиби аныкталды.

Өлкө өнөктөштүк программасынын негизги максаттары — өнөр жайдын атаандаштыкка жөндөмдүүлүгүн жогорулатуу, экспорттук потенциалды кеңейтүү, инновацияларды киргизүү, өнөр жай инфраструктурасын өнүктүрүү жана “жашыл” экономика принциптерин илгерилетүү.

Жыйындын жүрүшүндө программаны ишке ашыруунун артыкчылыктуу багыттары, 2026-жылга карата күтүлгөн натыйжалар жана долбоорлор үчүн финансылык жана техникалык ресурстарды тартуу маселелери талкууланды. Тараптар агроөнөр жай комплекси, жеңил жана фармацевтикалык өнөр жай, санариптик трансформация, инновация жана туризм тармактарын кызматташуунун негизги багыттары катары белгилешти.

Жыйынтыгында Өлкө өнөктөштүк программасын ишке ашыруу боюнча кийинки кадамдар, анын ичинде долбоор портфелин түзүү жана ведомстволор аралык өз ара аракеттенүүнү күчөтүү маселелери аныкталды.

Мындан тышкары окуңуз

Өлкөдө каттоого алынган кылмыштуулук 78%га азайганы айтылды

Акыркы жылдары милиция кызматкерлеринин айлык маяналары эки эсеге жогорулатылды. Бул тууралуу министрлер кабинетинин төрагасы Адылбек Касымалиев бүгүн милиция кызматкерлерин кесиптик майрамы менен куттуктаганда билдирди. Анын айтымында, акыркы төрт жылда ИИМдин автопаркы 95 пайызга жаңыланган. "Бардык талаптарга жооп берген автоунаалар, күжүрмөн аскердик техникалар алынып, пайдаланууга берилди, 200дөн ашуун ар кандай

Милиция кызматкерлеринин айлыгы жана ардагерлердин пенсиясы көбөйөт

Өлкөдө ички иштер органдарынын кызматкерлеринин маянасы жана ардагерлердин пенсиялары жогорулатылды. Бул тууралуу президент Садыр Жапаров бүгүн кыргыз милициясынын түзүлгөндүгүнүн 102 жылдыгы менен куттуктаганда айтты. "Буюрса, ушул жылдын 1-декабрынан баштап, жогорулаган айлыктарды жана пенсияларды алып баштайсыздар", - деди президент. Өлкө башчысы милициянын 102 жылдыгына карата 102 даана жаңы автоунаалар

Нарында көпүрөнүн курулушуна 262 миң сом бөлүндү

Нарын районунун Учкун айыл аймагына караштуу Кыз-Мазар участкасында жаан-чачындан улам бузулган жолду калыбына келтирүү жана көпүрө куруу иштери жүргүзүлүп жатат. Бул туурасында райондук администрациядан билдирди. Маалым болгондой, көпүрөнүн курулушуна "Кемп Ала-Тоо" коомдук уюмунан 262,2 миң сом бөлүнүп, керектүү материалдар алынган. Мындан тышкары, азык-түлүк

Бишкекте бир күндө 500дөн ашык көчөт отургузулду

31-октябрда Бишкек шаарынын мэри Айбек Жунушалиевдин катышуусунда бак-дарактарды отургузуу боюнча экологиялык акция өттү. Бул тууралуу шаар мэриясынан билдирди. Маалыматка караганда, Иманалы Айдарбеков көчөсүндөгү бульварга 64 эмен жана ясень дарактарынын көчөтү отургузулду. Акцияга шаардык активисттер жана жаштар да катышты. "Бир да дарак сугатсыз калбашы керек. Президенттин тапшырмасы бар: