Жеке ишкерлерден алынган 1% – салык эмес, банктын комиссиясы
Жеке ишкерлердин төлөмдөрүнөн алынып жаткан 1 пайыз салык жүгү эмес, банктын эсептик ставкасы болуп саналат. Бул тууралуу Мамлекеттик салык кызматынын төрагасынын орун басары Мирлан Рахманов УТРК телеканалындагы "Диалог" берүүсүндө билдирди.
Анын айтымында, айрым жарандар бул төлөмдү салык катары кабыл алып жатышат. Бирок сөз болуп жаткан 1% — банк кызматтары үчүн алынган комиссия экенин тактоо зарыл.
"Бул салыктын ставкасы эмес, банктын пайызы. Учурда бул маселе боюнча мамлекеттик банктар жана Улуттук банк менен биргеликте иштер жүргүзүлүүдө", — деди Мирлан Рахманов.
Мамлекеттик салык кызматы жарандарды салык жана банктык төлөмдөрдүн айырмасын так ажыратууга чакырат.
