Асмандаган алтын саналуу күндөрдө 7,8%га арзандады
Өткөн аптанын аягында баалуу металлдардын дүйнөлүк рыногунда олуттуу төмөндөө болду. Бар болгону 36 сааттын ичинде сектордун жалпы капитализациясы 7 триллион доллардан ашыкка кыскарды.
Адатта коргоочу актив катары эсептелген алтындын баасы 13,6%га төмөндөдү. Бир унциянын наркы 4,9 миң доллардан ылдый түшүп, натыйжада алтындын жалпы капитализациясы 5 триллион долларга азайды.
Бирок баанын төмөндөшү уланып жатат. Бүгүн Бишкек убактысы боюнча саат 10:00гө карата трой унциясына (31,1035 грамм) болгон фьючерстин баасы 4 миң 657 долларга чейин түштү. Сооданын эң жогорку учурунда баа 5,5 миң долларга чейин чыккан.А
Алтындын өлчөмдүү куймаларынын бааларындагы 30-январдангы эң жогорку жана 2-февралдагы эң төмөнкү бааларды салышытрганда жоготуулар орто эсеп менен 7,2–7,8%ды түздү.
- 1 грамм — жоготуу 77 сомду (болжол менен 0,5%) түздү;
- 2 грамм — жоготуу 118 сомду (болжол менен 0,4%) түздү;
- 5 грамм — жоготуу 519,5 сомду (болжол менен 0,71%) түздү;
- 10 грамм — жоготуу 282 сомду (болжол менен 0,2%) түздү;
- 31,1035 грамм (унция) — жоготуу 6 миң 567 сомду (болжол менен 1,48%) түздү;
- 100 грамм — жоготуу 42 миң 222,5 сомду (болжол менен 2,91%) түздү.
2026-жылдын 2-февралына карата сатып алуу менен сатуу бааларынын ортосундагы эң аз пайыздык айырма 10 граммдык куймаларда (0,2 пайыз) байкалган. Бул аларды азыркы шартта эң ликвиддүү кылат.
Ал эми 100 граммдык куймалар боюнча акчалай түрдө эң жогорку маржа — 42 миң сомдон ашык айырма катталган.
