Былтыр Ош облусундагы объектилерге 8,1 млрд сом багытталган
2025-жылы мамлекеттик бюджеттен 357 объектке 8,1 млрд сом багытталганын МинКаб төрагасы Адылбек Касымалиев Ош облусундагы президенттин өкүлчүлүгүнүн коллегиясында билдирди.
Жыйын 2025-жылдын жыйынтыгы боюнча өткөрүлдү. Анын айтымында, капиталдык салымдар беренеси боюнча мамлекет Ош облусуна 8 млрд 543 млн сом жардам көрсөткөн. Анын ичинен 8,1 млрд сом толук каржыланган.
Бөлүнгөн каражаттардын ичинен:
3,7 млрд сом 242 социалдык объектти курууга же оңдоого жумшалган. Алар:
133 мектеп,
57 бала бакча,
17 саламаттык сактоо мекемеси,
35 маданият жана спорт комплекси.
Калган 4 млрд 348 млн сом 82 автоунаа жолуна бөлүнүп, толугу менен каржыланган.
Маалыматка ылайык, каражаттар аймактын социалдык инфраструктурасын жакшыртууга жана жол тармагын өнүктүрүүгө багытталган.
