Өзбекстан Кыргызстанга былтыр 5 миң тоннадан ашык помидор экспорттогон
2025-жылы Өзбекстандан Кыргызстанга 5 миң тоннадан ашык помидор экспорттолгонун Өзбекстандын Улуттук статистика комитети билдирди.
Маалыматка ылайык, өткөн жылы Өзбекстан 12 мамлекетке жалпысынан 45,2 миң тонна помидор сатып, 36 млн доллар өлчөмүндө киреше тапкан. 2024-жылга салыштырмалуу экспорттун көлөмү 3,3 миң тоннага азайган.
Өзбек помидорунун негизги сатып алуучулары КМШ өлкөлөрү болду. Россия 32 миң 786 тонна, Казакстан 6 миң 850 тонна продукция импорттогон. Кыргызстан 5 миң 115 тонна менен алдыңкы үчтүккө кирди.
Мындан тышкары, Бириккен Араб Эмираттарына 325,8 тонна, Тажикстанга 48,2 тонна жөнөтүлүп, башка өлкөлөргө 81,6 тонна экспорттолгон.
