Кытай Англия киргизген жаңы санкцияларга катуу нааразылык билдирди
Кытай Англия киргизген жаңы санкциялар боюнча катуу нааразылык билдиргенин өлкөнүн Соода министрлигинин расмий өкүлү маалымдады.
Анын айтымында, Англия Кытай ишканаларына каршы "Россия менен байланыш" деген жүйө менен киргизген чаралар — эл аралык укуктук негизге ээ эмес жана БУУ тарабынан мандат албаган бир тараптуу санкциялар болуп саналат.
Украинадагы кырдаалга токтолуп, өкүл Кытай кош багыттагы (жарандык жана аскердик колдонулушу мүмкүн болгон) товарлардын экспортуна мыйзамдарга ылайык катуу көзөмөл жүргүзөрүн белгиледи. Ошондой эле кытай жана россиялык ишканалардын ортосундагы кадимки соода-экономикалык кызматташтык бузулбашы керектигин айтты.
Расмий өкүл Англияны "ката аракеттерин" токтоосуз оңдоп, тиешелүү кытай уюмдарына каршы санкцияларды жокко чыгарууга чакырды. Ал эми Кытай өз ишканаларынын мыйзамдуу укук-мүдөөсүн коргоо үчүн зарыл чараларды көрөрүн кошумчалады.
