"Асман шаар" долбоорун Кытайда таанытуу мүмкүнчүлүгү талкууланды
Бүгүн Инвестициялар боюнча улуттук агенттиктин башчысынын орун басары Мээримбек Койчуманов кытайлык компаниялардын өкүлдөрү менен жолугушту.
Агенттиктен билдиришкендей, жолугушууга Nanjing Huayuan Cultural Technology Development Co., Ltd. компаниясынын башкы директору, ошондой эле Tianshan Investment жана Silk Road Construction компанияларынын өкүлдөрү катышты.
Тараптар Кыргызстандын инвестициялык потенциалын илгерилетүү жана эки тараптуу инвестициялык кызматташууну кеңейтүү маселелерин талкуулашты. Анын ичинде "Асман шаар" долбоорун жана башка инвестициялык долбоорлорду Кытай Эл Республикасынын аянтчаларында таанытуу үчүн презентациялык сессияларды өткөрүү мүмкүнчүлүктөрү каралды.
Мындан тышкары, Кытайдан потенциалдуу инвесторлорду тартуу жана биргелешкен инвестициялык иш-чараларды уюштуруу маселелери талкууланды.
Жолугушуунун жыйынтыгында тараптар инвестицияларды тартуу жаатындагы кызматташууну улантуу жана өз ара кызматташуу жөнүндө макулдашууга кол коюу мүмкүнчүлүгүн кароону макулдашышты.
