Экономика

Салык ашыкча төлөнсө, аны кантип кайтарып алууга болот?

Ишкер Media

25 мар. 2026 16:59

Кээде салык төлөө учурунда ар кандай себептерден улам ашыкча сумма төлөнүп кетиши мүмкүн. Мындай учурда жарандар жана ишкерлер бул каражатты кайтарып алуу же башка салыктарга чегерүү мүмкүнчүлүгүнө ээ болушат. “Ишкер медиа” ашыкча төлөмдү эсепке алуу жана кайтарып берүү тартиби тууралуу маалымат менен таанышууну сунуштайт.

👉🏻

Ашыкча төлөнгөн сумма — бул салыктын, пайыздардын, туумдардын же санкциялардын иш жүзүндө төлөнгөн суммасы менен төлөнүүгө тийиш болгон сумманын ортосундагы оң айырма. Бул норма Салык кодексинде белгиленген.

Башкача айтканда, тийиштүү болгон суммадан салыкка көбүрөөк төлөп койгон учурда ашыкча төлөм пайда болот.

Ашыкча төлөмдү чегерип алуунун тартиби

Эгерде салык төлөөчүнүн учурдагы карызы жок болсо, ашыкча төлөм биринчи кезекте ошол эле салык боюнча пайыздарды, туумдарды жана санкцияларды төлөөгө чегерилет. Андан кийин салыктардын башка түрлөрү боюнча карыздарды жоюуга багытталат.

Эгерде салык төлөөчүнүн карызы бар болсо, салык органы ашыкча төлөмдү анын арызы жок эле автоматтык түрдө чегерүүгө укуктуу. Бул тууралуу салык төлөөчүгө 10 календардык күндүн ичинде маалымдалат. Мындан сырткары ашыкча төлөнгөн сумманы келечектеги салыктарга чегерүүгө же түздөн-түз банктык эсепке кайтарып алууга да болот.

Салык органы арызды кабыл алгандан кийин 10 жумушчу күндүн ичинде ашыкча төлөмдү эсепке алып, 30 календардык күндүн ичинде каражатты кайтарып берет. Эгерде бул мөөнөттөр бузулса, салык төлөөчүгө кечиктирилген ар бир күн үчүн 0,09% өлчөмүндө айып пул төлөнөт.

☝🏻

Мамлекеттик Салык кызматы, салык төлөмдөрүн кылдат текшерип туруу жана ашыкча төлөм пайда болгон учурда өз убагында арыз берүүнү сунуштайт. Ошондой эле ашыкча төлөмдү башка адамдын салыгына чегерүүгө болбостугун жана арыз белгиленген мөөнөткө чейин берилбесе, каражат бюджетке өтүп кете тургандыгын маалымдайт.

Мындан тышкары окуңуз

Бишкектин бир катар аймактарында 14-апрелде суу өчүрүлөт

Бишкек шаарында 14-апрелде саат 09:00дөн 24:00гө чейин ичүүчү суу убактылуу өчүрүлөт. Бул тууралуу "Бишкексууканал" муниципалдык ишканасы билдирди. Маалыматка ылайык, өчүрүү турак жай имараттарына, мектептерге, мектепке чейинки билим берүү мекемелерине, саламаттыкты сактоо уюмдарына, ошондой эле башка социалдык жана өнөр жай объектилерине таасирин тийгизет. Суу төмөнкү аймактарда өчүрүлөт:

Транспорт министрлиги быйыл жол жээктерине 70 миңден ашык көчөт отургузат

"Жашыл мурас" улуттук долбоорунун алкагында Транспорт жана коммуникациялар министрлиги 2026-жылы өлкө аймагын жашылдандыруу боюнча кеңири иштерди жүргүзүүдө. Бул тууралуу ведомстводон билдиришти. Министрликтин маалыматына ылайык, үстүбүздөгү жылы республика боюнча 70 миңден ашык көчөт отургузуу пландалууда, анын 70%га жакыны мөмөлүү дарактар болот. Мындан тышкары, ар бир облуста аянты 1

Эко Оператор: Кыргызстанда калдыктардын 24 товардык тобунун 16сы гана кайра иштетилет

Кыргызстанда бүгүнкү күндө калдыктардын 24 товардык тобунун ичинен 16сы боюнча кайра иштетүү жолго коюлган, ал эми калган багыттар боюнча кайра иштетүүчү ишканалар жок. Бул тууралуу Жаратылыш ресурстары, экология жана техникалык көзөмөл министрлигине караштуу "Эко Оператор" МИсинин директору Асель Мамбетова радионун эфиринде билдирди. Анын айтымында, ишкана министрликтин өкүлдөрү, калдыктарды

ИИМ: Каршы тилкеге чыккандарга 15 миң сом айып пул салынат

Жолдо кетирилген бир секунддук ката кайгылуу кесепеттерге алып келиши мүмкүн. Каршы тилкеге чыгуу өтө кооптуу, анткени каршы келе жаткан унаа менен кагылышуу коркунучу бар экендигин Ички иштер министрлиги билдирди. Маалыматка ылайык, бул эрежени бузгандыгы үчүн Укук бузуулар жөнүндө кодексинин 188-беренесинин 5-бөлүгүнө ылайык 15 миң сом өлчөмүндө айып пул каралган. Айып