Салык кызматында жетекчилик курам жаңыланды
КРнын Мамлекеттик салык кызматында төраганын орун басарлары алмаштырылды. Тиешелүү тескемелерге 2026-жылдын 30-мартында Министрлер Кабинетинин төрагасы Адылбек Касымалиев кол койду.
Чечимге ылайык, Салык кызматынын төрагасынын жаңы орун басарлары болуп Нурлан Максутов жана Нурлан Маманов дайындалды.
Бүгүн, 31-мартта, мекеменин төрагасы Алмамбет Шыкмаматов жаңы жетекчилерди жалпы жамаатка расмий түрдө тааныштырды.
Буга чейин бул кызматтарды ээлеп келген Бакыт Жээнбеков жана Мирлан Рахманов тиешелүү тескемелердин негизинде кызматынан бошотулду.
Маалыматка ылайык, кадрдык өзгөрүүлөр мамлекеттик органдардын ишин натыйжалуулугун жогорулатуу жана салыктык башкарууну өркүндөтүү максатында жүргүзүлүүдө.
