Ошто РКӨФ колдоосу менен жеке мектеп оңдолүп, 50 жаңы жумуш орду түзүлдү
Ош шаарында Россия-Кыргыз өнүктүрүү фондунун колдоосу менен жеке мектептин инфраструктурасы кеңейтилип, 50 жаңы жумуш орду түзүлдү. Бул тууралуу фонддун башкармалыгынын төрагасы Артем Новиков билдирди.
Анын маалыматына ылайык, 2006-жылдан бери иштеп келе жаткан “Грамотей” мектебинде жаңы филиал ачылып, негизги имараты капиталдык оңдоодон өткөрүлгөн. Чатыры толугу менен алмаштырылып, ичи оңдоп түзөөдөн өттү жана сырткы көрүнүшү жаңыланды.
Модернизациялоонун натыйжасында мектептин сыйымдуулугу 450 окуучуга чейин көбөйүп, мугалимдер жана техникалык кызматкерлер үчүн 50 жаңы жумуш орду түзүлгөн.
Учурда мектептин эки филиалы жана 28 окуу кабинети иштеп жатат. Окуу процесси башталгыч, орто жана жогорку класстар үчүн өзүнчө бөлүнүп, уюштурулду. Мындан тышкары, мектептин базасында англис тилин үйрөтүүчү “Тэйлор институту” курстары иштеп, ага Ош облусунун ар кайсы аймактарынан окуучулар келип, билим алышууда.
