Кыргызстан айрым жашылчаларды импорттоого тарифтик жеңилдиктерди алды
Евразия экономикалык комиссиясынын кеңеши ЕАЭБ өлкөлөрүндө чекене соода үчүн айрым жашылчаларды импорттоодо бажы алымынан бошотуу түрүндөгү тарифтик жеңилдик берди.
Анын алкагында Кыргызстан төмөнкү көлөмдө жеңилдик алды:
- картошка — 50 миң тоннадан ашпаган;
- түстүү капуста жана брокколи — 500 тоннага чейин;
- бадыраң — 400 тоннага чейин;
- баклажан — 200 тоннага чейин;
- таттуу калемпир — 2 миң тоннага чейин (2026-жылдын 30-июнуна чейин);
- помидор — 5 миң тоннага чейин (2026-жылдын 31-майына чейин).
ЕЭКтин соода боюнча министри Андрей Слепнев белгилегендей, адатта мезгил алмашкан учурда жашылча базарында баалар олуттуу өзгөрүп турат. Бул негизинен жергиликтүү өндүрүштүн запастары түгөнгөнүнө байланыштуу. Кабыл алынган чара ички рынокто сунушту көбөйтүп, калк үчүн жашылчалардын жеткиликтүүлүгүн жогорулатууга мүмкүндүк берет.
