Дүйнө жүзүндө 2027-жылдын аягында дагы 4 млн адам качкынга айланышы ыктымал
Дүйнө жүзү боюнча согуштар жана гуманитардык жардамдын кыскарышына байланыштуу келерки жылдын аягында дагы 4 миллиондон ашуун киши качкынга айланышы ыктымал экенин Reuters агенттиги Дания кеңешинин качкындар менен иштеген башкы катчысы Шарлотта Слентенин айткандарына таянып жазды.
Эл аралык Кызыл жарым ай комитетинин эсебинде, дүйнө жүзүндө өз турак жайын таштап кетүүгө аргасыз болгондордун саны 117 миллиондой адамды түзүүдө. Ошол эле учурда жаңжалдардын саны XXI кылымдын башына салыштырмалуу болжол менен 130га чейин, дээрлик эки эсе өстү.
Жер которгондордун басымдуу бөлүгү төрт жылдан бери согуш жүрүп жаткан Судандан качкандар. Бул убакыттын ичинде 13,5 млн адам үй-жайын таштап кетүүгө аргасыз жана жакынкы эки жылда дагы 670 миңдей адам жер которууга аргасыз болушу мүмкүн.
Андан тышкары, каржылоонун жетишсиздигинен улам БУУнун агенттиктери кошуна Чаддагы качкындарды суу жана тамак-аш менен камсыз кылууну азайтышы мүмкүн.
