Кыргызстанда эң жогорку маяна кен казууда, эң төмөнкү маяна маданият тармагында
Эмгек, социалдык камсыздоо жана миграция министрлигинин билдиришинче, Улуттук статистика комитетинин 2026-жылдын январь айындагы маалыматына ылайык, өлкөдө эң жогорку айлык акы кен казуу тармагында, ал эми эң төмөнкү айлык маданият тармагында катталган.
Орточо айлык акылар:
- Кен казуу тармагы — 86 971 сом
- Финансы — 83 277 сом
- Маалымат жана байланыш — 80 277 сом
- Өнөр жай — 68 101 сом
- Транспорт — 58 657 сом
- Илимий ишмердүүлүк — 58 541 сом
- Курулуш — 57 472 сом
- Соода — 55 188 сом
- Айыл чарба — 33 813 сом
- Саламаттык сактоо жана социалдык кызматтар — 30 509 сом
- Кызмат көрсөтүү — 29 679 сом
- Билим берүү — 27 352 сом
- Маданият — 27 326 сом
Мындан тышкары, иш менен камсыз кылуу кызматтарына 39 373 жаран кайрылып, алардын 27 427си эмгек мыйзамдары, кесиптик окутуу, кайра даярдоо жана кесип тандоо боюнча кеңеш алышкан.
Эмгек рыногунда атаандаштыкты жогорулатуу максатында 2 039 жаран кесиптик окутууга жөнөтүлгөн.
Окутуу төмөнкү талап кылынган кесиптер боюнча жүргүзүлөт: ашпозчу, тигүүчү, чач тарач, 1С билген бухгалтер, автоэлектрик, компьютер оператору, соода агенти, косметолог, маникюр чебери, массажист, визажист, котормочу, тери жана мех устасы, дизайнер, электр-газ ширетүүчү жана сантехник.
Ошондой эле убактылуу жумуш менен камсыз кылуу алкагында 1 974 жаран акы төлөнүүчү коомдук иштерге тартылган.
