Кыргызстан менен Албаниянын экономикалык кызматташтыгы талкууланды
Бүгүн, 2026-жылдын 22-апрелинде, Бакыт Сыдыков Албания Республикасынын Кыргызстандагы элчиси Блерта Кадзадеж айым менен жолугушту. Бул тууралуу аталган министрликтин басма сөз кызматы билдирди.
Маалыматка ылайык, тараптар өз өлкөлөрүнүн экономикасынын өнүгүү тенденциялары жана артыкчылыктары, жүргүзүлүп жаткан реформалар, инвестициялык жагымдуулукту жогорулатуу жана ишкердикти колдоо боюнча көрүлүп жаткан чараларды талкуулашты.
Министр Бакыт Сыдыков экономикалык кызматташтык жөнүндө келишимдерди түзүү, кош салык салуудан качуу, туризм тармагында кызматташуу маселелерин иштеп чыгууну сунуштады.
Элчи Блерта Кадзадеж экономикалык байланыштарды активдештирүү жана келишимдик базаны өнүктүрүү боюнча чараларды көрүүнүн маанилүүлүгүн баса белгилеп, эки өлкө ортосундагы кызматташуунун келечектүү тармактарын белгиледи.
