Экономика

Кыргызстанда расмий статистиканын 100 жылдыгы салтанаттуу белгиленүүдө

Ишкер Media

Кыргызстанда расмий статистиканын 100 жылдыгы салтанаттуу белгиленүүдө

Бүгүн, Бишкек шаарындагы Мамлекеттик резиденцияда КРнын расмий статистикасынын түзүлгөндүгүнүн 100 жылдык мааракесине арналган салтанаттуу иш-чара өтүп жатат. Мааракенин алкагында «Статистикалык бизнес-процесстерди модернизациялоо: расмий статистиканын жаңы экосистемасын түзүү» аттуу эл аралык форум уюштурулуп, анда өлкөнүн статистика тармагынын баскан жолу жана келечектеги санариптик стратегиясы талкууланууда.

Иш-чарага Министрлер Кабинетинин төрагасы, Жогорку Кеңештин депутаттары, эл аралык уюмдардын өкүлдөрү жана чет мамлекеттердин статистика кызматтарынын жетекчилери катышып жатышат.

Улуттук статистика комитетинин төрагасы Бактыбек Кудайбергенов өз сөзүндө жаңы этаптын башкы максаты - статистиканы жөн гана отчёттук орган эмес, коомчулук жана бизнес үчүн ыңгайлуу "сервистик моделге” өткөрүү экенин баса белгиледи.

Анын айтымында, бүгүнкү күндө Кыргызстандын статистикасы толугу менен санариптик платформаларга өтүү алдында турат. Бул мамлекеттик чечимдерди кабыл алууда так аналитикага таянууга жана калкка реалдуу убакыт режиминдеги маалыматтарды сунуштоого шарт түзөт.

Кыргызстанда статистикалык ишмердүүлүктүн тамыры XIX кылымдын экинчи жарымына барып такалса да, анын мамлекеттик деңгээлде калыптанышы 1926-жылга таандык. Дал ошол жылы, 29-апрелде Кара-Кыргыз автономиялуу облусунда статистиканын ишмердүүлүгү башталган.

Жүз жылдык тарыхтын ичинде бул тармак ат менен айыл кыдырып, маалыматты кагазга чийген баштапкы этаптан, бүгүнкү жасалма интеллект жана булуттук технологиялар (cloud computing) дооруна чейинки зор эволюцияны басып өттү.

Жаңылыктар биздин Телеграмм каналда

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар
Зардалы айылына заманбап үйлөр курулат

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой
КРдагы банктар 4 айда 9,5 млрд сом таза киреше табышкан

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,
Эмгек министрлигинде качкындардын укуктарын коргоо маселеси каралды

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.