Экономика

“Үй-бүлөгө көмөк” жөлөкпулун берүү тартиби өзгөртүлдү

Ишкер Media

“Үй-бүлөгө көмөк” жөлөкпулун берүү тартиби өзгөртүлдү

Кыргызстанда аз камсыз болгон үй-бүлөлөрдү колдоо максатында 16 жашка чейинки балдары бар жарандарга берилүүчү “үй-бүлөгө көмөк” ай сайынкы жөлөкпулдун механизми жаңыртылды.

Бул багытта 2026-жылдын 10-апрелинде Министрлер Кабинетинин №242 токтому кабыл алынып, аз камсыз болгон үй-бүлөлөрдүн 16 жашка чейинки балдарын “үй-бүлөгө көмөк” ай сайын берилүүчү жөлөкпулу менен камтууну кеңейтүү жана анын даректүүлүгүн жакшыртуу каралган.

Эмгек, социалдык камсыздоо жана миграция министрлигинин маалыматына жараша, жаңы өзгөртүүлөргө ылайык, жөлөкпул дайындоодо жеңил автоунаанын пайдалануу мөөнөтү 20 жылдан 15 жылга чейин кыскартылды. Ошондой эле менчигинде бир турак жайы бар аз камсыз үй-бүлөлөр жөлөкпул алууга укуктуу болсо, эки же андан көп турак жайы бар үй-бүлөлөргө бул жөлөкпул берилбейт.

Мындан тышкары, аз камсыз үй-бүлөлөрдүн “үй-бүлөгө көмөк” жөлөкпулуна муктаждыгын аныктоочу кепилденген эң төмөнкү кирешенин өлчөмү 1000 сомдон 1500 сомго чейин жогорулатылды.

Белгилей кетсек, эгер жаран райондук коэффициент каралган аймакта жашаса, “үй-бүлөгө көмөк” жөлөкпулу райондук коэффициентти кошуу менен төлөнөт. Бул өзгөртүүлөр 2026-жылдын 1-сентябрынан тарта күчүнө кирет.

Жаңылыктар биздин Телеграмм каналда

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар
Зардалы айылына заманбап үйлөр курулат

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой
КРдагы банктар 4 айда 9,5 млрд сом таза киреше табышкан

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,
Эмгек министрлигинде качкындардын укуктарын коргоо маселеси каралды

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.