Бажы кызматынан мамлекеттик бюджетке 518, 5 млн сом түштү
Министрлер Кабинетине караштуу Мамлекеттик бажы кызматында укук коргоо бөлүмдөрүнүн 2026-жылдын 1-чейреги боюнча жыйынтыгы чыгарылды. Бул тууралуу бажы кызматынын басма сөз кызматы билдирди.
Маалыматка караганда, отчеттук мезгилде контрабандага каршы күрөшүү бөлүмдөрү тарабынан бажы мыйзамдары чөйрөсүндө 4 861 укук бузуу жана кылмыш фактысы аныкталды. 4 718 укук бузуу иши козголуп, алардын жыйынтыгы менен 36,7 миллион сом айып өндүрүлдү жана 204,2 миллион сомдон ашык бажы төлөмдөрүнүн камсыз кылынды.
Кылмыш фактылары боюнча 143 материалдын алкагында 277,5 миллион сом өлчөмүндө зыяндын орду толтурулду. Мамлекеттик бюджетке кошумча түшүүлөрдүн жалпы көлөмү 518,5 миллион сомду түздү.
Баңгизаттардын контрабандасына каршы күрөшүү бөлүмдөрү тарабынан мыйзамсыз баңгизат жүгүртүүнүн 20 фактысы аныкталып, мыйзамсыз жүгүртүүдөн 28 кг ашык баңгизат жана 1 тоннага жакын прекурсорлор алынган.
