Кыргызстандын эл аралык камдары 9 млрд доллардан ашты
2026-жылдын 22-апрелине карата өлкөнүн эл аралык камдарынын көлөмү 9 млрд доллардан ашты. Бул тууралуу КРнын Улуттук банкынын төрагасынын орун басары Азат Козубековдун айтымында, жыл башынан бери эл аралык резервдер 4,7%га көбөйгөн.
Бул көрсөткүч өлкөнүн тышкы экономикалык туруктуулугун бекемдөөдө маанилүү ролду ойнойт. Ал эми Улуттук банктын бардык жүргүзүп жаткан чаралары баалардын ашыкча өсүшүн ооздуктоого багытталат.
Мындан тышкары, төраганын орун басары Кыргызстанда экономикалык активдүүлүк жогорку деңгээлде сакталып, өсүш экономиканын бардык тармактарында байкалып жаткандыгын билдирди. Айтымында ушул жылдын январь-февраль айларында реалдуу эмгек акы 5,6 пайызга жогорулаган.
