Кыргызстандын тышкы соода жүгүртүүсү 3,6% азайды
Үстүбүздөгу жылдын январь–апрель айларында Кыргыз Республикасынын товарлар менен тышкы жана өз ара соодасынын көлөмү 4 млрд 760,7 млн АКШ долларын түзүп, өткөн жылдын ушул мезгилине салыштырмалуу 3,6%га төмөндөдү. Бул тууралуу Улуттук статистика комитети билдирди.
Ошол эле учурда, Кыргызстандын Евразия экономикалык биримдигине (ЕАЭБ) мүчө мамлекеттер менен болгон өз ара соода жүгүртүүсү 1 млрд 790,5 млн АКШ долларын түзүп, 2025-жылдын январь–апрель айларына салыштырмалуу 1,8%га азайган.
Маалыматка ылайык, экспорттук ташуулар 11,7%га кыскарса, импорттук түшүүлөр тескерисинче 1,0%га өскөн.
ЕАЭБ өлкөлөрүнүн ичинен Кыргызстандын өз ара соодасынын негизги бөлүгү Россия Федерациясына (67,4%) жана Казакстан Республикасына (30,2%) туура келген.
