Евро 100 сомдон ашты: валюта базарындагы соңку өзгөрүүлөр
18-июнга карата Бишкектеги акча алмаштыруучу жайларда чет элдик валюталардын курсу жаңыланды. Евронун сатуу баасы 101 сомдон ашып, доллар салыштырмалуу туруктуу деңгээлде сакталууда.
Маалыматка ылайык, АКШ доллары орточо эсеп менен 87,37 сомдон сатып алынып, 87,80 сомдон сатылууда. Ал эми Кыргызстандын Улуттук банкы доллардын расмий курсун 87,45 сом деп белгиледи.
Евро валютасынын курсу жогорулап, орточо сатып алуу баасы 100,44 сомду, сатуу баасы 101,43 сомду түздү. Улуттук банктын расмий курсу 101,46 сом болуп катталды.
Орус рублинин орточо сатып алуу курсу 1,131 сом, сатуу курсу 1,210 сом болсо, казак теңгеси орточо 0,1616 сомдон сатып алынып, 0,1926 сомдон сатылууда.
Ошондой эле кытай юанынын орточо сатып алуу баасы 12,56 сомду, сатуу баасы 13,24 сомду түздү. Британ фунту стерлинги болсо орточо 111,33 сомдон сатып алынып, 116,68 сомдон сатылууда.
Улуттук банктын маалыматы боюнча, евро жана фунттун расмий курсу жогорку деңгээлде сакталып, эң кымбат валюталардын катарында калууда.
