ЕАЭБге мүчө мамлекеттердин экономикалык кызматташтык маселелери талкууланды
Айыл чарба министри Эрлист Акунбеков Евразия экономикалык комиссиясынын өнөр жай жана агроөнөр жай комплекси боюнча Коллегия мүчөсү Гоар Барсегян менен жолугушту. Бул тууралуу бүгүн аталган министрликтен билдирди.
Билдирүүгө ылайык, анда ЕАЭБге мүчө мамлекеттердин ортосундагы экономикалык кызматташтыкты тереңдетүү, өнөр жай жана агроөнөр жай комплекстерин өнүктүрүү, ошондой эле өндүрүштүк кооперацияны чыңдоо маселелери талкууланды.
Акунбековдун айтымында, агроөнөр жай комплексиндеги өз ара аракеттенүүнү кеңейтүү - экономиканын маанилүү багыттарынын бири.
Өз кезегинде Гоар Барсегян Кыргызстандан өндүрүш секторун жана агрардык экономикасын өнүктүрүүгө багытталган демилгелерин колдоого Евразия экономикалык комиссиясы даяр экенин билдирди.
Мындан тышкары, тараптар ЕАЭБге мүчө мамлекеттердин агроөнөр жай комплексиндеги биргелешкен кооперациялык долбоорлорун тандоо жана ишке ашыруу үчүн каржылык колдоо көрсөтүү механизмдеринин алкагында кызматташуунун келечегин талкуулашты.
