Кыргызстан менен Орусия ишкердик байланыштарды чыңдоону макулдашты
19-июнда Министрлер кабинетинин төрагасынын орун басары Эрлист Акунбеков Орусиянын Экспорттук борборунун өкүлдөрү менен жолукту. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Жолугушууда ата мекендик өндүрүүчүлөрдүн экспорттук мүмкүнчүлүктөрүн кеңейтүү, Кыргызстандын айыл чарба жана кайра иштетилген өндүрүмдөрүн тышкы базарга чыгаруу маселелерине көңүл бурулду.
Мындан тышкары экспорттоочуларды колдоо механизмдери жана Кыргызстан менен Орусиянын ортосундагы ишкердик байланыштарды бекемдөө боюнча пикир алмашуу болду.
Жолугушуунун жыйынтыгында Кыргызстандагы агроөнөр жай комплексинин экспорттук мүмкүнчүлүктөрүн кеңейтүүгө жана биргелешкен демилгелерди ишке ашырууга кызыкдар экендиктерин ырасташты.
