Кыргызстан менен Дүйнөлүк банк каржылык колдоо маселелерин талкуулады
Каржы министри Руслан Суйналиев Ташкент шаарында өткөн Дүйнөлүк банк жана Эл аралык валюта фондунун жыйынынын алкагында Дүйнөлүк банктын жетекчилиги менен жолугушту.
Министрликтин басма сөз кызматы билдиргендей, тараптар биргелешкен долбоорлордун жүрүшүн, аларды ишке ашырууну тездетүү маселелерин, бюджеттик колдоону жана эки тараптуу кызматташууну кеңейтүүнү талкуулашты.
Руслан Суйналиев Дүйнөлүк банкка Кыргызстанга көрсөтүлүп жаткан колдоо үчүн ыраазычылык билдирип, социалдык-экономикалык реформаларды ишке ашырууда өнөктөштүктү күчөтүүнүн маанилүүлүгүн белгиледи.
Ошондой эле жолугушууда тоо экономикасын өнүктүрүү демилгеси, Бишкекте өтө турган келечектеги жыйынга даярдык жана “Камбар-Ата-1” гидроэлектр станциясынын долбоорун ишке ашыруу маселелери каралды.
Жыйынтыгында тараптар кызматташууну кеңейтүүгө даяр экенин ырасташты.
