Өлкөгө 386 млн доллардан ашык чет өлкөлүк инвестиция тартылды
2026-жылдын I чейрегинде Кыргызстанга тартылган түз чет өлкөлүк инвестициялар 386,7 млн долларды түзүп, өткөн жылдын ушул мезгилине салыштырмалуу 34%га өстү. Бул тууралуу Инвестициялар боюнча улуттук агенттиктен билдиришти.
Маалыматка караганда, инвестициялардын эң чоң бөлүгү финансылык ортомчулук жана камсыздандыруу тармагына туура келип, 93,6 млн долларды түздү.
Соода тармагындагы инвестициялар 64,5 млн долларды түзүп, өткөн жылдын ушул мезгилине салыштырмалуу 137%га, ал эми маалымат жана байланыш жааты 75%га өскөн. Эң жогорку секирик кесиптик, илимий жана техникалык ишмердүүлүк тармагында байкалып, бул тармакка инвестиция 26 эсеге көбөйүп, 49,5 млн долларга жеткен.
Аймактар боюнча алганда, инвестициялардын көлөмүнүн 30%ы Бишкек шаарына (115,8 млн доллар) туура келди. Андан кийин Таласта - 80,3 млн, Нарында - 69,7 млн, Ошто -68,6 млн жана Жалал-Абадда -43,3 млн каражатты түздү.
Инвестициялардын өсүшү өлкө экономикасына тышкы капиталдын агымы күчөп жатканын көрсөтөрү белгиленди.
