Жасалма интеллектти бизнесте колдонуу мүмкүнчүлүктөрү бааланды
Экономика жана коммерция министрлиги Европа Биримдигинин колдоосу менен уюштурулган ишкердик чөйрө, санариптештирүү жана жасалма интеллектти киргизүү боюнча изилдөөнүн алдын ала жыйынтыктарын талкуулаган иш-чарага катышты.
Иш-чарада мамлекеттик мекемелердин, бизнес өкүлдөрүнүн жана эл аралык өнөктөштөрдүн катышуусунда өлкөдөгү ишкердик чөйрөнүн абалы, санариптик өнүгүү жана жасалма интеллект технологияларын колдонуу маселелери каралды.
Экономика жана коммерция министринин биринчи орун басары Чоро Сейитов санариптик трансформацияны жана инновациялык технологияларды өнүктүрүү мамлекеттик саясаттын артыкчылыктуу багыттарынын бири экенин белгиледи.
Жолугушууда чакан жана орто бизнести колдоо, санариптик көндүмдөрдү өнүктүрүү, мыйзамдык базаны жакшыртуу жана мамлекет менен бизнес ортосундагы кызматташтыкты кеңейтүү маселелери талкууланды.
Изилдөөнүн жыйынтыктары Кыргызстанда ишкердикти өнүктүрүү жана экономиканы санариптештирүү боюнча чараларды жакшыртууга негиз боло алары белгиленди.
