Экономика

Жыл башынан бери Улуттук банк 1 млрд 472 млн доллар сатты

Уулжан Бейшенбекова

Жыл башынан бери Улуттук банк 1 млрд 472 млн доллар сатты

Улуттук банк бүгүн валюта базарында жалпы 186,4 млн доллар сатты. Бул 2026-жылдын башынан берки тогузунчу валюталык интервенция болду.

Сатылган каражаттын ичинен 24,8 млн доллар бүтүм түзүлгөн күнү эсептешүү шарты менен, ал эми 161,6 млн доллар кийинки эсептешүү күнү менен сатылган.

Жаңы операциядан кийин Улуттук банктын 2026-жылдын башынан бери саткан чет өлкө валютасынын жалпы көлөмү 1 млрд 472 млн 600 миң долларга жетти. Быйыл жүргүзүлгөн тогуз интервенциянын бардыгы доллар сатууга багытталып, чет элдик валютаны сатып алуу операциялары жүргүзүлгөн жок.

Буга чейинки, сегизинчи интервенция 29-июнда өтүп, анда 222,55 млн доллар сатылган.

Тактап кетсек, валюталык интервенция — бул банктын сомдун курсун туруктуу кармоо же валюта базарындагы кескин өзгөрүүлөрдү жумшартуу үчүн чет элдик валютаны сатуу же сатып алуу боюнча жүргүзгөн операциясы.

Жаңылыктар биздин Телеграмм каналда

Мындан тышкары окуңуз

Министрлик: Тарых музейинин эки кабаты Кытайга берилгени тууралуу маалымат жалган

Министрлик: Тарых музейинин эки кабаты Кытайга берилгени тууралуу маалымат жалган

Желеде Улуттук тарых музейинин 4-5-кабаттары Кытай тарапка өткөрүлүп берилгени тууралуу тараган маалыматтын чындыкка дал келбесин Маданият, маалымат жана жаштар саясаты министрлиги билдирди. Министрликтин маалыматына караганда, музейдин эч бир бөлүгү чет өлкөлүк мекемелерге менчикке, ижарага же туруктуу пайдаланууга берилген эмес. Белгилегендей, “Гармония сулуулукту жаратат: Байыркы Кытай цивилизациясынын көркөм өнөр
Кызыл-Кыяда курулуш талаптарын бузган жеке ишкерге чара көрүлдү

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда
Тоголок Молдо көчөсүнүн бир бөлүгү унаа кыймылы үчүн жабылат

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так
Ошто 13,5 млн еврого эне-балага арналган медициналык борбор курулуп жатат

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга