Экономика

Кыргызстан менен Жапония ишкерлерди колдоо боюнча жаңы демилгелерди иштеп чыгат

Уулжан Бейшенбекова

20 июля 2026 16:41

Кыргызстан менен Жапония чакан жана орто ишкердикти колдоо багытындагы кызматташтыктын жаңы баскычына өтүп жатат. Бул тууралуу Экономика жана коммерция министрлиги билдирди.

Маалыматка ылайык, министрдин орун басары Беназир Нурланованын Жапонияга болгон жумушчу сапарынын алкагында Токиодо Жапониянын Эл аралык кызматташтык агенттигинин өкүлдөрү менен жолугушуу өттү.

Жолугушууда ишкерлерди колдоону күчөтүү, бизнес-билим берүү программаларын өнүктүрүү жана чакан жана орто ишканалар үчүн каржылык мүмкүнчүлүктөрдү кеңейтүү маселелери талкууланды.

Тараптар "Бир айыл – бир продукт" долбоорунун ийгиликтүү тажрыйбасын кеңейтүү, ошондой эле ишкерлерге туруктуу каржылоо мүмкүнчүлүгүн түзүү үчүн насыялык кепилдик тутумуна Жапониянын тажрыйбасын киргизүү багыттарын карашты.

Мындан тышкары, Экономика жана коммерция министрлигинин алдында чакан жана орто ишкердикти колдоого багытталган ЧОИ-Хаб түзүү демилгеси талкууланды. Ал ишкерлер үчүн окутуу, өндүрүштүк-логистикалык колдоо жана мамлекеттик кызматтарды "бирдиктүү терезе" аркылуу алууга мүмкүнчүлүк берген аянтча болот.

Жолугушуунун жыйынтыгында Кыргызстан менен Жапония чакан жана орто ишкердикти өнүктүрүүгө багытталган жаңы техникалык кызматташтык долбоорлорун биргелешип иштеп чыгууга макулдашты.

Мындан тышкары окуңуз

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга

Валюталардын бүгүнкү курсу: юань өстү, доллар өзгөргөн жок

Улуттук банк 8-августка карата валюталардын расмий курсун жарыялады. Ага ылайык, доллардын курсу өзгөрүүсүз, тагыраагы 87,4500 сом бойдон калды. Евро 100,9435 сомдон 100,7730 сомго түшүп, 0,17%га төмөндөдү. Ал эми рублдин курсу 1,0652 сом деп белгиленип, 1,36%га түштү. Теңге болсо 0,1871 сомдон