Кыргызстанда бир адамга айына эң аз 9 миң 873 сом керектелет
Улуттук статистика комитетинин маалыматына ылайык, 2026-жылдын экинчи чейрегинде Кыргызстанда бир адамдын эң зарыл гана керектөөлөрү үчүн айына орточо 9 миң 873,28 сом талап кылынган.
Биринчи чейректе бул көрсөткүч 9 миң 290,89 сом болгон.
Жашоо минимумунун түзүмүндө чыгымдардын басымдуу бөлүгү азык-түлүккө туура келет. Азык-түлүк куржунунун баасы орточо 6 миң 417,63 сомду түзгөн. Анын ичинде эт азыктарына 2 миң 171,26 сом, сүт азыктарына 1 миң 202,38 сом, нанга 796,85 сом жана мөмө-жемиш менен жашылчаларга 773,52 сом каралган.
Азык-түлүк эмес товарларга 1 миң 579,72 сом, кызмат көрсөтүүлөргө 1 миң 678,46 сом жана салыктарга 197,47 сом эсептелген.
Аймактар боюнча эң жогорку жашоо минимуму Бишкек шаарында — 10 миң 229,91 сом, ал эми эң төмөнкү көрсөткүч Талас облусунда — 8 миң 784,97 сом деп катталган.
