Садыр Жапаров: Тышкы карыз ички дүң продукциянын 39%ын түзөт
Президент Садыр Жапаров Фейсбук баракчасы аркылуу кайрылуу кылды. Ал Кыргызстандын тышкы карызы тууралуу маалымат берди.
Садыр Жапаровдун айтымына караганда, ар бир өлкөнүн тышкы карызы ички дүң продукциясына карата өлчөнөт.
Эгер, 2020-жылга чейин биздин тышкы карызыбыз ИДПнын 120% ын түзүп келген болсо, бүгүнкү күндө жалпы карызыбыз ИДПнын 39%ын түзөт. Бул санды келечекте эң көп болсо 50%дан ашырбашыбыз керек деген тапшырманы өкмөттүн алдына койгом. Ар бир алынган карыз мурдакыдай кумга сиңген суудай болуп кетпестен көрүнүктүү, 100 % көзөмөлгө алынган, келечекте өз карызын өзү жапкан долбоорлорго жумшалып жатат.
Көп эле өлкөлөр ИДПнын өлчөмүнөн 100%дан ашып кетишкен. Бирок биз аларды үлгү кылбашыбыз керек.
