Экономика

Баткенде облустук өнүктүрүү фонду тарабынан 10 долбоор каржыланууда

Сапар Акунбеков

22 июля 2026 18:19

Президенттин Баткен облусундагы ыйгарым укуктуу өкүлүнүн биринчи орун басары Бактыбек Токсонбаевдин төрагалыгы алдында Баткен облустук өнүктүрүү фондунун кезектеги отуруму өттү. Бул тууралуу президенттин Баткен облусундагы ыйгарым укуктуу өкүлүнүн басма сөз кызматы билдирди.

Маалыматка ылайык, жыйында үстүбүздөгү жылы фонд тарабынан каржыланып жаткан долбоорлордун аткарылышы, бөлүнгөн каражаттардын максаттуу жана натыйжалуу пайдаланылышы тууралуу маалыматтар угулду.

Белгилей кетсек, 2026-жылы Баткен облустук өнүктүрүү фонду аркылуу жалпы 10 долбоор каржыланууда. Алар социалдык көйгөйлөрдү чечүү, калкка көрсөтүлүүчү кызматтардын сапатын жакшыртуу, инфраструктураны чыңдоо жана мекемелердин материалдык-техникалык базасын бекемдөө багыттарын камтыйт.

Алгач Өзгөчө кырдаалдар министрлигинин Баткен облустук башкармалыгына фонддун эсебинен сатылып алынган атайын техникалар жана жабдуулар көрсөтүлдү. Адистер комиссия мүчөлөрүнө алардын өзгөчө кырдаалдардын кесепеттерин жоюудагы мааниси, мүмкүнчүлүктөрү жана колдонуу тартиби тууралуу кеңири маалымат беришти.

Жыйындын соңунда Бактыбек Токсонбаев бардык долбоорлор белгиленген мөөнөттө жана сапаттуу бүткөрүлүшү, ошондой эле бөлүнгөн ар бир сомдун максаттуу пайдаланылышы камсыздалышы керектигин белгилеп, жооптуу жетекчилерге тиешелүү тапшырмаларды берди.

Мындан тышкары окуңуз

Ала-Бука – Касан унаа жолунун 12 чакырымы толугу менен асфальтталды

Жалал-Абад облусундагы Ала-Бука – Касан унаа жолунун быйылкы жылга пландалган 5,5 чакырым тилкесине асфальт-бетон төшөө иштери толугу менен аяктады. Транспорт жана коммуникациялар министрлигинин маалыматына ылайык, жол куруу иштери №17 Жол эксплуатациялоо мекемеси тарабынан белгиленген графикке ылайык, курулуштун сапат талаптарын сактоо менен жүргүзүлдү. Аталган жолдун жалпы 12 чакырымына

Жалал-Абадда көп кабаттуу үйдүн курулушунда мыйзам бузуулар аныкталды

Мамлекеттик архитектура-курулуш көзөмөлдөө департаментинин Жалал-Абад региондук башкармалыгы шаардагы көп кабаттуу турак жайга текшерүү жүргүздү. Бул тууралуу Курулуш министрлигинин басма сөз кызматы билдирди. Маалыматка ылайык, текшерүү Байзаков көчөсү, 46 дарегинде курулуп жаткан объектте өткөрүлүп, техникалык талаптардын бузулганы аныкталды. Белгиленгендей, курулуш иштери бекитилген долбоордук документациядан четтөө менен жүргүзүлгөн. Ошондой эле

Ошто агроөнөр жай тармагын өнүктүрүү боюнча көчмө жыйын өттү

6-7-август күндөрү Ош шаарында Дүйнөлүк банктын каржылоосунда министрлик тарабынан ишке ашырылып жаткан "Ош облусунун жана Ош шаарынын аймактык экономикалык өнүгүүсү" долбоорунун алкагында Өндүрүмдүү өнөктөштүк комитетинин көчмө жыйыны өттү. Бул тууралуу Айыл чарба министрлигинен билдиришти. Жыйынга министрдин орун басары Мирбек Дүйшеев жана Комитеттин мүчөлөрү катышты. Көчмө жыйындын

Бишкектеги 10-кичирайондо убактылуу суу токтотулат

12-августта саат 09:00дөн саат 17:00гө чейин 10-кичирайондун бир бөлүгүндөгү турак жайларда, мектептерде, мектепке чейинки билим берүү мекемелеринде, саламаттыкты сактоо мекемелеринде, ошондой эле башка социалдык жана өндүрүштүк объектилерде ичүүчү суу берүү убактылуу токтотулат. Бишкек шаардык мэриясынын маалыматына караганда, суу менен жабдуунун убактылуу токтотулушу 10-кичирайондогу откананын суу